ڕاگەیێنراوێکی خێرا لە نووسینگەی سەرۆکوەزیرانی کوردستانەوە لەبارەی تێکدانی چەند گۆڕێکی کریستیانەکان

ئاڤا نیوز

 

نووسینگەی سەرۆکی حکوومەتی هەرێمی کوردستان ڕاگەیێنراوێکی لەبارەی چەند گۆڕێکی کریستیانەکان لە قەزای کۆیە بڵاو کردەوە.

 

ڕاگەیێنراوی فەرمی: لە ڕاگەیێنراوەکەی نووسینگەی سەرۆکی حکوومەتی هەرێمی کوردستان هاتووە: "بە توندترین شێوە سەرکۆنەی ئەو کارە نابەجێ و تێکدەرانە دەکەین کە لە قەزای کۆیە دژی چەند گۆڕێکی خوشک و برا کریستیانەکان کراوە. ئەم کردەوەیە، بە هەموو شێوەیەک شەرمەزار دەکەین و داواش لە دامودەزگاکانی حکومەت دەکەین کە دەستبەجێ لێکۆڵینەوەی پێویست بکەن بۆ دۆزینەوەی تاوانباران و سزادانیان.هەروەها گۆڕستانەکەش، لە سەر فەرمانی بەڕێز سەرۆکی حکومەتی هەرێمی کوردستان نۆژەن دەکرێتەوە."

 

ئاماژە بەوەش کراوە: "کریستیانەکان پێکهاتەیەکی ڕەسەنی کوردستانن و هەرێمی کوردستان وەک هەمیشە، مەڵبەند و نموونەیەکی گەشی بەیەکەوەژیانی ئاشتییانە و تەبایی نێوان گشت پێکهاتەکان بووە و ڕێگەش بە هیچ کەسێک نادەین ئەو دۆخە تێک بدات."

 

نوێ دەکرێتەوە..