سەرکردەی گرووپێکی چەکداریی فەلەستین کە لە ئیسرائیلەوە نزیکە لە غەززە کوژرا

ئاڤا نیوز

 

میدیا ئیسرائیلییەکان بڵاویان کردووەتەوە، یاسر ئەبو شەباب کە سەرکردەیەکی گرووپێکی چەکدارییە لە غەززە و ئیسرائیل پشتگیری دەکات لەلایەن کەسانی نەناسراوەوە کوژرا.

 

زانیاریی بەدەستهاتوو: کەناڵی 14ـی ئیسرائیلی ئەمڕۆ پێنجشەممە ڕایگەیاند،'' یاسر ئەبو شەباب لە شاری ڕەفەح لە باشووری کەرتی غەززە کوژراوە''.

 

ئەمەش بزانە: تاوەکو ئێستا ڕوون نییە کە ئەبو شەباب لەلایەن کێیەوە تەقەی لێکراوە.

 

باکگراوند: یاسر ئەبو شەباب سەرۆکی گرووپی (القوات الشعبية) لە شاری ڕەفەحە، بەپێی زانیاریی میدیاکان، ئەبو شەباب لە چەند مانگی ڕابردوودا هەماهەنگییەکی ئاشکرانەکراوی لەگەڵ ئیسرائیلدا هەبووە.