خانەوادەیەک 65 ساڵە پارێزگاری لە تام و چێژی دۆندرمەی کوردی دەکەن

ئاڤا نیوز

 

نزیکەی 65 ساڵ بەر لە ئێستا، خانەوادەیەک لە شاری ئاکرێ دەستیان دایە پیشەی دروستکردنی دۆندرمە بە شیری خۆماڵی و بناغەی کارێکیان دانا کە بووە بەشێک لە مێژووی شارەکە.

 

چیرۆکی سەرەکی: لەگەڵ تێپەڕبوونی ساڵەکاندا، ئەم پیشەیە وەک میراتێک لە باوکەوە بۆ کوڕ گوازرایەوە، تا ئەوەی ئێستا بەشیر سەلام شوێنی باوکی گرتووەتەوە و ئەرکی بەڕێوەبردنی دووکانەکە و درێژەدان بەو نەریتەی لە ئەستۆ گرتووە.

 

زانیاریی زیاتر: بەشیر بۆ ئەوەی تامە ڕەسەنەکەی دۆندرمەکە وەک جارانی کۆن بمێنێتەوە، بەردەوامە لە بەکارهێنانی شیری بزن. پڕۆسەی دروستکردنەکەش لەلایەن ناوبراوەوە بە شەش قۆناغی جیاوازدا تێدەپەڕێت تاوەکو بەو شێوەیەی ئێستا دەگاتە دەستی کڕیاران.