ئەمساڵ زیاتر لە سێ ملیۆن دۆنم زەوی بە گەنم دادەچێنرێت

ئاڤا نیوز

 

ئەمساڵ لە هەرێمی کوردستان پلانی ئەوە هەیە، زیاتر لە سێ ملیۆن و 500 هەزار دۆنم زەوی بە گەنم دابچێنرێت.

 

وێنە گەورەکە: ساڵانە لە هەرێمی کوردستان، بەپێی شوێن و ڕێژە و کاتی بارانبارین، لە کۆتایی وەرزی پاییز و سەرەتای وەرزی زستان گەنم دا دەچێنرێت، ئەگەر زوو باران ببارێت و پەڵە بدات لە ناوەڕاستی مانگی 11 تا ناوەڕاستی مانگی 12 گونجاوترین کاتە بۆ چاندنی گەنم، بە تایبەت بۆ ئەو تەرزانەی لە هەرێمی کوردستان تۆمار کراون.

 

ژمارەکان وادەڵێن: ئەمساڵ پلانی ئەوە هەیە سێ ملیۆن و 568 هەزار و 85 دۆنم زەوی بە گەنم دابچێنرێت، بەمجۆرەی خوارەوە:

 
هەولێر: ملیۆنێک و چوار هەزار و 237 دۆنم
سلێمانی: ملیۆنێک و 113 هەزار و 737 دۆنم 
دهۆک: 856 هەزار و 611 دۆنم  
گەرمیان: 573 هەزار و 128 دۆنم 
هەڵەبجە: 112 هەزار دۆنم زەوی

 

خاڵە ئەرێنییەکان: لە کاتێکدا هەموو ئەو زەوییەی بەپێی پلان بۆ داچاندنی گەنم ئامادە کراوە دابچێنرێت و ڕێژەی پیویست باران ببارێت، پێشبینی دەکرێت بەرووبوومی گەنم لە بەشی پێداویستیی ناوخۆ زیاتر بێت، بەمەش کاریگەری ئەرێنی و ڕاستەوخۆی لەسەر دابین کردنی ئاسایشی خۆراک دەبێت.