سوودانی: ئامادەم بۆ وەرگرتنەوەی ویلایەتی دووەم و مافی خۆمە، چونکە پڕۆژەم هەیە

ئاڤا نیوز

سەرۆکوەزیرانی عێراق لەبارەی دووبارە وەرگرتنەوەی پۆستی سەرۆکوەزیران بۆ ویلایەتی دووەم ڕایدەگەیێنێت، بە مافی خۆمی دەزانم ویلایەتی دووەم وەربگرمەوە هۆکارەکەشی بۆ ئەوە گەڕاندەوە کە پرۆژەی هەیە.

چیرۆکی سەرەکی: محەممەد شیاع سوودانی، سەرۆکوەزیرانی عێراق، بۆ یەکەمجار دوای دەرکەوتنی ئەنجامەکانی هەڵبژاردن و دەستپێکردنی گفتوگۆکانی پێکهێنانی حکومەت، لە چوارچێوەی بەرنامەیەکی تەلەڤیزیۆنیی لەگەڵ کەناڵی ڕابیعە، باسی لە چەند دۆسیەیەکی گرنگ کرد، لەوانە هەڵبژاردن و ئاسایش و دۆسیەی چەک.

لێدوانی فەرمی: محەممەد شیاع سوودانی لەبارەی بەشداریکردنی حکومەتەکەی لە هەڵبژاردن، ڕایگەیاند: "حکومەتەکەی ئێمە تاکە حکومەتە کە چووەتە نێو هەڵبژاردنەکان و دەستکەوتی هەبووە.

سەبارەت بە بوونی چەک لە دەست گرووپە چەکدارەکان لەگەڵ دامەزراوە فەرمییەکان، سوودانی ڕایگەیاند: "بوونی چەک لەگەڵ بوونی دامەزراوە ئەمنییە فەرمییەکان هاوتایە."

لەبارەی دۆخی ئاسایشی عێراقەوە، سوودانی ئاماژەی بەوەدا: "ئەم قۆناغە، ئارامترین قۆناغە کە عێراق پێیدا تێپەڕدەبێت، بە ئاسایش و سەقامگیرییەکی بێوێنە."

زانیاریی زیاتر: سوودانی سەبارەت بە کاندیدکردنی کەسێک بۆ ویلایەتی دووەم وتی: "ئێمە کاندیدمان هەیە و کاندیدەکەش دەستکەوتی لەسەر زەوی هەیە و مافی خۆیەتی بۆ ویلایەتی دووەم کاندید بێت." لەبارەی ئەوەش کە بە مافی خۆی دەزانێت بۆ ویلایەتی دووەم خۆی کاندید بکاتەوە سوودانی گوتی: "مافی خۆمە، چونکە پڕۆژەم هەیە."