ڕوونکردنەوە لەسەر دروستبوونی کەفاوی ڕووباری گەلی عەلی بەگ دەدرێت

ئاڤا نیوز

لە ڕووباری گەلی عەلی بەگ لە سنووری ئیدارەی سەربەخۆی سۆران دیاردەی کەفی ڕووبار دروستبووە، بەرگریی شارستانیی سۆرانیش دەڵێت، ئەو دیاردەیە لە ئەنجامی تێکەڵبوونی ڕێژەیەکی زۆری پاشماوەی پیسە بە ئاوی ڕووبارەکە.

چیرۆکی سەرەکی: ڕۆژی یەکشەممە، بەهۆی هاتنی شەپۆلێکی بارانی بەخوڕ، دیاردەیەک لە ڕووباری گەلی عەلی بەگ دروست بوو. ڕێژەیەکی زۆری کەف بەسەر ڕووبارەکە کەوت و لەگەڵ با هاتبووە سەر شەقامی سەرەکی. ئەمەش پرسیاری زۆری لای هاونیشتمانیان دروست کرد.

لێدوانی فەرمی: کاروان میراودەلی، بەڕێوەبەری بەرگریی شارستانیی سۆران بە ئاڤای گوت، لە ئەنجامی تێکەڵبوونی زۆری ئاوی ڕووبارەکە بە پاشماوەی پیسی وەک خوێ، ڕووەکی مردوو و قەوزەی شیبووەوە، لەگەڵ خێرایی ئاوەکە بووە هۆی دروستبوونی کەفێکی زۆر سووک کە بەئاسانی بەھەوا بڵاو دەبێتەوە، ئەمەش دیارەیەکی سرووشتییە.

زانیاریی زیاتر: کێشی ئەم کەفە زۆر سووکە و بە ئاسانی وەک لۆکە بە هەوادا بڵاودەبێتەوە، لەمەودای نزیکەی 50 کیلۆمەتر توانای ڕۆیشتنی هەیە، لە ڕێژەیەکی کەمی ئاو دروست دەبێت.