وەزارەتی دەرەوەی تورکیا: بەشێوەیەکی زۆر بەهێز پاڵپشتی سەقامگیری لە سووریا دەکەین

ئاڤا نیوز

لە یەکەمین ساڵوەگەڕی ڕووخاندنی ڕژێمی بەشار ئەسەد، وەزارەتی دەرەوەی تورکیا ڕاگەیێنراوێکی بڵاو کردەوە و ئەمە بە "ڕۆژی ئازادیی گەلی سووریا" ناو دەبات و دەڵێت: وەک تورکیا بەشێوەیەکی زۆر بەهێز پشتیوانی لە تەواوی هەوڵەکان دەکەین بۆ هێنانەدی سەقامگیری، ئاسایش و خۆشگوزەرانیی لە سووریا.

چیرۆکی سەرەکی: ئەمڕۆ 08-12-2025 ساڵێک بەسەر ڕووخاندنی ڕژێمی بەشار ئەسەد و کۆتاییهێنان بە شەڕی ناوخۆی ئەو وڵاتەدا تێدەپەڕێت کە ماوەی 13ساڵی خایاند.

ڕاگەیێنراوی فەرمی: وەزارەتی دەرەوەی تورکیا لە ڕاگەیێنراوێکدا ئاماژەی بەوە داوە کە لە ناخی دڵەوە پیرۆزبایی ڕۆژی ئازادی لە گەلی سووریا دەکات.

هاوکات دەڵێت، وێڕای ئەوەی لە ماوەی ئەمساڵەدا حکوومەتی (کاتی) سووریا دووچاری کێشەی زۆر بووەتەوە، بەڵام پیادەی سیاسەتێکی دەرەکی ئاشتیخوازانەی کردووە و هەنگاوی یەکجارەکی ناوە بۆ ئەوەی لەسەر ئاستی نێودەوڵەتی بە جۆرێک ڕێز لە سووریا بگیرێت کە شایانیەتی.