سەرۆک بارزانی پیرۆزبایی بەدەستهێنانی خەڵاتی "پوشکین"ـی لە دکتۆر ڕەشاد میران کرد

ئاڤا نیوز

سەرۆک بارزانی پیرۆزبایی لە زانای ناسراوی کورد دکتۆر ڕەشاد میران کرد، بەبۆنەی بەدەستهێنانی خەڵاتی (پوشکین) لە مۆسکۆ.

چیرۆکی سەرەکی: ڕۆژی دووشەممە 8ی کانوونی یەکەمی 2025 لە پیرمام سەرۆک بارزانی، پێشوازیی لە کۆمەڵناس و زانای ناسراوی کورد دکتۆر ڕەشاد میران کرد.

ڕاگەیێنراوی فەرمی: بارەگای بارزانی بڵاویکردەوە: لە دیدارەکەدا سەرۆک بارزانی پێزانینی هەبوو بۆ هەوڵە زانستی و ئاکادیمییەکانی دکتۆر ڕەشاد میران و، دەستخۆشی و پیرۆزباییشی لێ کرد بۆ بەدەستهێنانی خەڵاتی (پوشکین) کە لە لایەن ڤلادیمێر پووتین، سەرۆکی ڕووسیاوە لە شاری مۆسکۆ لە مانگی ڕابردوو پێی بەخشراوە.

لەلایەکی دیکەوە: هەر لەو دیدارەدا دکتۆر ڕەشاد میران وێڕای سوپاسگوزاری بۆ سەرۆک بارزانی، کورتەیەکی لەمەڕ کارە زانستییەکانی باس کرد و چەند کتێبێکی خۆی وەک دیاری پێشکەشی سەرۆک بارزانی کرد.