لە چەمچەماڵ بەهۆی لافاو دوو کەس گیانیان لەدەست دا

ئاڤا نیوز

بەهۆی لافاوی چەند کاتژمێری ڕابردووی قەزا چەمچەماڵەوە، دوو هاوڵاتی گیانیان لەدەستدا و چوار هاوڵاتی دیکە برینداربوون.

وێنە گەورەکە: ماوەی 24 کاتژمێرە شەپۆلێکی بارانبارینی تووند ڕووی لە هەرێمی کوردستان کردووە، لە بەشێک لە ناوچەکان ئاستی ئاو بەڕێژەیەکی بەرچاو بەرزبووەتەوە و لافاو دروست بووە. لە قەزای چەمچەماڵ بەهۆی لافاوەوە دوو کەس گیانیان لەدەستداوە.

 

راگەیێندراوی فەرمی: ئیدارەی قەزای چەمچەماڵ پرسە و سەرەخۆشی ئاڕاسەی بنەماڵەی کۆچکردووان دەکات و هیوای زوو چاکبوونەوە بۆ بریندارەکان دەخوازێت.

لێدوانی فەرمی: هاوتا عەزیز، بەڕێوەبەری ناحیەی شۆڕش بە ئاڤای ڕاگەیاند:  یەکێک لەو کەسەی گیانی لەدەستداوە تەمەن 70 ساڵ. 


هاوکات: چۆمان مەحموود، پەیامنێری ئاڤا ڕایگەیاند: چەند شایەتحاڵ وێنەی کچێکیان بۆ ناردووین کە لەسەر زەوی دانراوە و بەتانییەکی پێدادراوە، باس لەوە دەکەن ئەو کەسە کچێکی گەنجە و بەهۆی لافاوەکەی ئەمڕۆی چەمچەماڵەوە خنکاوە.