تا کۆتایی ئەم مانگە بارانبارین بەردەوام دەبێت

ئاڤا نیوز

 

لە رۆژی یەکشەممەوە شەپۆلێکی بارانبارین باشووری کوردستانی گرتووەتەوە و بەگوێرەی پێشبینییەکانی کەشوهەوا تا کۆتایی ئەم مانگە بارانبارین لە ناوچە جیاوازەکانی هەرێمی کوردستان بەردەوام دەبێت.

 

ڕاگەیێنراوی فەرمی: بەگوێرەی زانیارییەکانی شێخ دارا، بەرزترین رێژەی بارانبارین لە هەرێمی کوردستان لە ناوچەی بەرزنجەی پارێزگای سلێمانی بووە بەجۆرێک 123 ملم باران باریووە، لە ناوچەی دوجێلی پارێزگای دهۆکیش نزیکەی 81 ملم باران بارییووە. بەهەمان شێوە لە دوکانیش رێژەیەکی زۆر باران بارییووە.

 

شێخ دارا دەڵێت: “ئەمە شەپۆلی دووەمی باران بارینە، پێشبینی دەکرێت تا 24ـی ئەم مانگە بەردەوامبێت، پێشبینییەکانی کەشوهەوا دەریدەخەن لە ناوەڕاستی ئەم مانگە بڕی دابارینی باران کەمتر ببێتەوە”.

 

ئەوەی گرنگە بیزانیت: لە دوای 20 ئەم مانگە، پێشبینی بەفربارین دەکرێت، بەڵام تەنیا لە دەوروبەری پارێزگای دهۆک، بەفربارینەکە زیاتر ناوچە شاخاوییەکانی پارێزگای دهۆک دەگرێتەوە.

 

داهاتوو: بەگوێرەی پێشبیینەکانی کەشوهەوا چاوەڕێدەکرێت بە نزیکەیی 150-200ملم رێژەی باران بارین لەسەرجەم شار و شارۆچکەکانی هەرێمی کوردستان تۆماربکرێت. ئەمساڵ رێژەی بارانبارین دوو هێندەی ساڵی رابردوو دەبێت.