لە هەولێر نینۆکبڕێکی گەورە لە گەدەی گەنجێک دەردەهێنن

ئاڤا نیوز

 

گەنجێکی هەولێر نینۆکبڕێکی گەورە قووت دەدات و دوو ڕۆژ لە گەدەی دەمێنێتەوە. ئەمڕۆ بەبێ نەشتەرگەری کردن لە نەخۆشخانەیەکی هەولێر نینۆکبڕەکە لە گەدەی دەرهێنرا.

 

لێدوانی فەرمی: دکتۆر بڵند سیروان عەبدوڵڵا، پسپۆری وردی نەخۆشییەکانی هەرس و جگەر بە ئاڤا میدیای ڕاگەیاند، گەنجەکە تەمەنی 17 ساڵە و کێشەی دەروونی هەیە.

 

دکتۆر بڵند ڕوونی دەکاتەوە، ئەم حاڵەتە دەبوو لە ڕێگەی نەشتەرگەرییەوە کرابا، بەڵام "ئێمە بە نازوور و لەڕێگەی دەمەوە ئەو کارەمان کرد و دەرمانهێنا، ئێستا باری تەندروستیی گەنجەکە جێگیرە و هیچ گرفتێکی نییە".

 

زانیاریی زیاتر: دکتۆر بڵند دەڵێت، وەکو نینۆکبڕ، "ئەوە یەکەم حاڵەتە بێتە لای من، بەڵام پێشتر چەندان حاڵەتی دیکەی وەکو، قووتدانی چەقۆ، کلیل، فلچەی ددان، بەرد و شتی دیکە هاتووەتە لام، هەمووانم لە ڕێگەی نازوورەوە دەرهێناوە".