سوودانی و حەلبووسی تاوتوێی قۆناغی سیاسی داهاتوو دەکەن

ئاڤا نیوز

بۆ گەڵاڵەکردنی تێڕوانینێکی هاوبەش، هەردوو سەرۆکی هاوپەیمانیی ئاوەدانی و پارتی تەقەدووم، دۆسیەی پێکهێنانی حکومەتی داهاتوو تاوتوێ دەکەن.

چیرۆکی سەرەکی: بەگوێرەی بەیاننامەیەکی هاوپەیمانیی ئاوەدانی و گەشەپێدان، لە چوارچێوەی دیدارە ڕاوێژکارییەکاندا بۆ گەڵاڵەکردنی تێڕوانینێکی هاوبەش بۆ قۆناغی سیاسیی داهاتوو، ئەمڕۆ پێنجشەممە، محەممەد شیاع سوودانی، سەرۆکی ئاوەدانی و گەشەپێدان،  لەگەڵ محەممەد حەلبووسی، سەرۆکی پارتی تەقەدوم کۆبووەوە. 

ڕاگەیێنراوی فەرمی: بەپێی بەیاننامەکە، لە دیدارەکەدا گفتوگۆیەکی فراوان لەبارەی پێداویستییەکانی قۆناغی داهاتوو کراوە و جەخت لە گرنگیی یەکخستنی تێڕوانینی هێزە کاراکان بە ئامانجی پێکهێنانی حکومەتی داهاتوو کراوەتەوە. 

زانیاریی زیاتر: لە کۆتایی بەیاننامەکەدا هاتووە، هەردوولا جەختیان لەسەر بەردەوامیی گفتوگۆ و لێکتێگەیشتنەکانی نێوان هێزە نیشتمانییەکان کردەوە، بە مەبەستی داڕشتنی نەخشەڕێگایەکی سیاسی کە پشتیوانی لە سەقامگیری و گەشەپێدان بکات.