سەرکردەیەکی بەدر: دەبێت وەزیری نەوت خەڵکی بەسرە بێت

ئاڤا نیوز

سەرکردەیەکی ڕێکخراوی بەدر ئاشکرای دەکات،  کە ململانێیەکی تووند لەسەر پۆستی وەزارەتی نەوتی عێراق هەیە و داوا دەکات وەزیری داهاتوو خەڵکی پارێزگای بەسرە بێت، هاوکات داوا لە خەڵکی شارەکەش دەکات لەم ڕووەوە خاوەن هەڵوێست بن. 

ڕاگەیێنراوی فەرمی: ئەبو توراب تەمیمی، سەرکردە لە ڕێکخراوی بەدر لە پۆستێکدا ڕایگەیاند: وەزارەتی نەوت وەزارەتێکی هەستیارە و سەرچاوەی سەرەکی بژێوی خەڵکی عێراقە، ئێستاش ململانێیەکی تووند لەسەر ئەم وەزارەتە لە نێوان ئەو لایەنانەی لە ساڵی 2003 ـەوە تا ئەمڕۆ دەستاودەستیان پێکردووە.

زانیاریی زیاتر: تەمیمی داوا دەکات وەزیری نەوت خەڵکی پارێزگای بەسرە بێت و خاوەنی بڕوانامەی باڵا و ئەزموونی نەوتی فراوان هەبێت.

ئەمەش بزانە: ئەبو توراب هۆشداریدا لەوەی پێشتر ستەم لە شارەکە کراوە بە دانانی بەڕێوەبەری گشتی لاواز وەک وەزیر، بۆیە داوای لە خەڵکی بەسرە کرد، هەڵوێستی جدی و یەکلاکەرەوەیان هەبێت ئەگەر بێت و کەسێک بکرێتە وەزیر کە لە ئاستی هیوا و داواکارییەکانیاندا نەبێت.