لە مزگەوتەکانی کوردستان بانگەواز کرا بۆ هاوکاریکردنی لێقەوماوانی چەمچەماڵ

ئاڤا نیوز

وەزارەتی ئەوقاف و کارەبای ئایینی لە ڕێگەی لیژنەی وتاردانەوە، سەرجەم مامۆستایانی ئاراستەکردووە تاوەکو پرسی لافاوەکەی چەمچەماڵ و هاوکاری لێقەوماوان باس بکەن. 
 
لێدوانی فەرمی: نەبەز ئیسماعیل، وەزارەتی ئەوقاف و کاروباری ئایینی حکومەتی هەرێمی کوردستان بە ئاڤای ڕاگەیاند: بە سەرجەم وتارخوێنی مزگەوتەکانمان گوتووە بابەتی  کارەساتە سروشتييەکان و هەڵوێستی موسڵمانان لە يارمەتيدانی لێقەوماوان هاوپێچی وتارەکانییان بکەن و لە پەراوێزی  وتارەکە گرنگی بە ڕووداوی لافاوەکەی چەمچەماڵ بدەن و خەڵکی هان بدەن بۆ هاوکاریکردنی زیان لێ کەوتووان.

زانیاریی پەیامنێر: د. پشتیوان سرێشمەیی، بەڕێوەبەری بەڕێوەبەرایەتیی ئەوقافی سۆران بە پەیامنێری ئاڤای ڕاگەیاند: ئەم هەینییە وتاری زۆربەی مزگەوتەکانی سۆران تایبەت کرابوو بە هاوکاری کۆمەک بۆ زیان لێکەوتووانی لافاو، گوتیشی لەگەڵ یەکێتیی زانایانی کوردستان لقی سۆران لەسەر خەتین بۆ دۆزینەوەی میکانزمێک بۆ ڕاگەیاندنی کامپینێک و دەمانەوێت دوای ڕاگەیاندنی کامپینەکە ئاڤا میدیا هاوکارمان بێت بۆ گواستنەوەی هەر بابەتێک کە لە کەمپینەکە دادەندرێت.

لەلایەکی دیکەوە: مامۆستا موخلیس کاوانی لە وتاری هەینیی گوتی: هاوخەمین لەگەڵ لێقەوماوانی شاری چەمچەمال و تەکیە و شۆڕش، داواش لە موسڵمانان دەکەم هاوکارییەکانیان بگەیەنن بە نزیکترین کامپین کە لە ئاڤا میدیا ڕاگەیێنراوە، هەرچییەک و هەرچەند دەبەخشن هەر خێرە و لەلایەکی خوای گەورە ونن نابێت.