گەشتەکانی فڕۆکەخانەی بەسرە دەستیان پێکردەوە

ئاڤا نیوز

دوای ئەوەی بەهۆی شەپۆلێکی تەمومژەوە گەشتەکان لە فڕۆکەخانەی بەسرە ڕاگیرابوون، پاش تێپەڕبوونی تەنیا کاتژمێرێک، دەستیان پێکردەوە.

چیرۆکی سەرەکی: بەرەبەیانی ئەمڕۆ هەینی، ئیدارەی فڕۆکەخانەی بەسرە لە بەیاننامەیەکدا گەشتیارانی ئاگادارکردەوە، کە بەهۆی کەمبوونەوەی مەودای بینین و بوونی تەمی چڕەوە، جووڵەی ئاسمانی لە فڕۆکەخانەکە بەشێوەیەکی کاتی ڕادەگیرێت.

ڕاگەیێنراوی فەرمی: کەمێک لەمەوبەر ئیدارەی فڕۆکەخانەکە ڕاگەیەنراوێکی دیکەی بڵاوکردەوە و ئاشکرای کرد، کە گەشتەکان لە فڕۆکەخانەی نێودەوڵەتیی بەسرە دەستیان پێکردووەتەوە و خشتەی گەشتەکان ئاسایی بووەتەوە.

ئەمەش بزانە: دوێنێش بەهۆی خراپی کەشوهەوا و بوونی تەمی چڕەوە، جووڵەی فڕۆکەوانی لە هەریەک لە فڕۆکەخانەکانی بەغدا، نەجەف و سلێمانی بۆ ماوەی 12 کاتژمێر ڕاگیرابوو.