کوردستان فاوندەیشن سۆپا و نەوتی بۆ زیانلێکەوتووان دابین کرد

ئاڤا میدیا

 

کوردستان فاوندەیشن بەمەبەستی دەستەبەرکردنی هاوکاریکردنێکی خێرا بۆ ئەو ماڵانەی کە بەهۆی لافاو لە سنووری چەمچەماڵ زیانیان بەرکەوتووە، سۆپا و نەوتی بۆ  500 ماڵ دابین کرد.

 

چیرۆکی سەرەکی: ڕۆژی 9-12-2025، بەهۆی بارانبارینی بەخوڕ، لە سنووری قەزای چەمچەماڵ و ناحیەکانی شۆڕش و تەکیە لافاو دروست بوو، سەرەڕای زیانی گیانی، بەهۆیەوە سەدان ماڵ و دوکان بە تەواوی کەلوپەلەکانیان لەدەستدا، دامەزراوەی "کوردستان فاوندەیشن" لەڕێگەی کامپەینێکەوە کۆمەک و هاوکاری دەگەیەننە زیانلێکەوتووان.

 

لێدوانی فەرمی: ساکار عومەر، بەڕێوەبەری پەیوەندییە گشتییەکان لە کوردستان فاوندەیشن بە ئاڤا میدیای وت، دامەزراوەی "کوردستان فاوندەیشن" بە هەماهەنگی لەگەڵ ئیدارەی چەمچەماڵ، سۆپا و زیاتر لە 35 هەزار لیتر نەوتی بۆ  500 ماڵی زیانلێکەوتوو دابین کرد.

 

زانیاری زیاتر: بەهۆی لافاوەکە قوتابخانەی قەندیل لە ناحیەی تەکیە و قوتابخانەی ئارینی کوڕان لە سەنتەری شاری سلێمانی زیانێکی زۆریان بەرکەوتووە، "کوردستان فاوندەیشن" هەردوو قوتابخانەکە بە کەلوپەلەکانی ناوییەوە بەتەواوی نۆژەن دەکاتەوە.