دۆخی کارەبای چەمچەماڵ ئاسایی بووەتەوە

ئاڤا نیوز

سەرجەم گرفتە هونەریيەكانی کارەبای سنووری قەزای چەمچەماڵ چارەسەركراون، کۆمەڵێک پێداویستی کارەبا دابین کراوە و کارەبای ناوچەکە ئاسایی بووەتەوە.

چیرۆکی سەرەکی: لەگەڵ دروستبوونی لافاوەکەی چەمچەماڵ زیانێکی زۆر بەر تۆڕکانی کارەبا کەوت و بەهۆیەوە کارەبای چەند شوێنێک پچڕا، تیمەکانی کارەبای سلێمانی کاریان لەسەر چاککردنەوەی ئەو شوێنانە کرد کە خەلەلی بۆ دروستببوو، بۆئەوەی بتوانن بەشێوەیەکی خێرا دۆخی پێدانی کاتژمێرەکانی کارەبا ئاسایی بکەنەوە، دوای چارەسەرکردنی گرفتی هێڵی 33 كەی ڤیی چەمچەماڵ – شۆڕش، کارەبای ناوچەکە ئاسایی بووەتەوە.

لێدوانی فەرمی: ئەنوەر حەمەسەعید، بەڕێوەبەری گشتیی کارەبای سلێمانی بە ئاڤا میدیای گوت، "لەسەر داواكارى بەڕێوەبەری گشتیی کارەبای سلێمانی، وەزيرى كارەبای حکومەتی هەرێمی کوردستان بڕياریدا هاوكارى زياترى چەمچەماڵ بکرێت، كۆنتڕۆڵى ناوەندى هەرێم و بەڕێوەبەرايەتىی گشتیى كارەباى سلێمانیى ڕاسپارد، تاوەکو ئاسايیبوونەوەى دۆخەكه كارەبای زياتر دابين بكرێت، ئێستا سەرجەم گرفتە هونەریيەكانی کارەبا چارەسەركراون، کۆمەڵێک پێداویستی کارەبا وەکو ستوون و گۆڕەر دابین کراون".