لە ڕێگەی ئاڤا هەڵمەتێکی گەورە بۆ دابینکردنی پێداویستییە پزیشکییەکان بۆ چەمچەماڵ ڕاگەیێنرا

ئاڤا نیوز

 

وەزارەتی تەندروستیی کوردستان لەڕێگەی ئاڤا میدیاوە هەڵمەتێکی دابینکردنی پێداویستییە پزیشکییەکانی بۆ خەڵکی لێقەوماوی چەمچەماڵ و دەوروبەری ڕاگەیاند، داوا لە خەڵک دەکات بەشدارییەکی فراوان لە کەمپینەکە بکەن.

 

وێنە گەورەکە: بەهۆی لافاو ئاو چوونە ناو سەدان ماڵ لە چەمچەماڵ، شۆڕش و تەکیە. بە تایبەت کە وەرزی سەرماو و بڵاوبوونەوەی پەتا و ئەنفلۆنزایە، وەزارەتی تەندروستیی کوردستان هەڵمەتێکی دابینکردنی پێداویستییە پزیشکییەکانی ڕاگەیاند.

 

وەزارەتی تەندروستی داوای لە بەڕێوەبەرایەتیی تەندروستیی چەمچەماڵ کردووە لە لیستێکدا کەموکوڕی و ئەو پێداویستییە پزیشکییەکانە دەستنیشان بکەن کە پێویستیانە، بۆئەوەی وەزارەتی تەندروستیی بە هاوکاریی خێرخوازان سەرجەمیان بۆ دابین بکات.

 

لێدوانی فەرمی: د. سامان بەرزنجی وەزیری تەندروستیی کوردستان لەڕێگەی ئاڤا میدیاوە هەڵمەتێکی دابینکردنی پێداویستییە پزیشکییەکانی ڕاگەیاند، داواشی لە هەموو ئەو هاووڵاتیی و خێرخوازانە کرد کە نیازی هاوکاریکردنی زیانلێکەوتووانیان هەیە، هەڵوێستی خێرخوازی و مرۆڤدۆستی بنوێنن و هاوکار بن لە هەڵمەتەکە، تاوەکوو لە زووترین کاتدا پێداویستییە پزیشکییەکانی وەکو دەرمانی درێژخایەن و کەرەستەکانی چارەسەرکردن و نەشتەرگەری بۆ خەڵکی لێقەوماوی چەمچەماڵ دابین بکەن.