لە نەینەوا شکست بە هەوڵێکی بەقاچاخبردنی سووتەمەنی دەهێنرێت

ئاڤا نیوز

دەزگای هەواڵگریی سەربازیی عێراق ئاشکرای دەکات، لە نەینەوا هەوڵێکی بەقاچاخبردنی بەرهەمە نەوتییەکان پوچەڵ کراوەتەوە و ئەنجامدەرانیشی دەستگیر کراون.

ڕاگەیێنراوی فەرمی: لەڕاگەیاندنێکدا دەزگای هەواڵگریی سەربازیی عێراق بڵاوی کردەوە: بە پشتبەستن بە زانیارییە وردەکانی فیرقەی 16 ـی هەواڵگری و ئاسایشی دەزگای هەواڵگری، دەست بەسەر چەند تەنکەرێکدا گیراوە کە گازی شلیان بار کردبوو و بە مەبەستی بەقاچاخبردن لە شارۆچکەی حەزەرەوە بە ئاڕاستەی نەینەوا دەگوازرانەوە.

زانیاریی زیاتر: ڕاگەیەندراوەکە ئاماژەی بەوەشکرد، دوای دەستکەوتنی زانیارییەکان، دەستبەجێ مەفرەزەکانی هەواڵگریی سەربازی دەستیان بەسەر ئۆتۆمبێلەکان و بڕێکی زۆر گازی شلدا گرتووە، کە ئامادە کرابوو بە قاچاخ ڕەوانەی دەرەوەی عێراق بکرێت.