دوو بارهەڵگر هاوکاری لە ئاکرێ ڕەوانەی چەمچەماڵ و دەورووبەری دەکرێت

ئاڤا نیوز

لە هەڵمەتی ئاڤا میدیا بۆ کۆکردنەوەی هاوکاری مرۆیی بۆ زیانلێکەوتووانی لافاوەکەی چەمچەماڵ و شۆرش و تەکیە، لە ئاکرێ دوو بارهەڵگر هاوکاریی ئامادەکراون و ڕەوانەی سنووری چەمچەماڵ دەکرێن.

وێنە گەورەکە: ئاڤا میدیا هەڵمەتێکی فراوانی کۆکردنەوەی کۆمەک و هاوکاری بۆ زیانلێکەوتووانی لافاو لە چەمچەماڵ و شۆرش و تەکیە ڕاگەیاندووە، سەدان تۆن کەلوپەل و پێداویستی و خۆراک کۆکراونەتەوە و زیاتر لە یەک ملیار دیناریش لە لایەن سەرمایەدارانی نیشتمانی و خەڵکانی خێرخواز کۆکراونەتەوە.

زانیاریی زیاتر: لە هەڵمەتی ئاڤا میدیا لە ئاکرێ دوو بارهەڵگر لە هاوکاری ئامادەکراون، کە پێکهاتوون لە جلوبەرگ، دۆشەک، بەتانی، مافوور، خۆراک، سۆپا و پیداویستی دیکە، دوو بارهەڵگرەکە ڕەوانەی سنووری چەمچەماڵ دەکرێن.

ئەوەی پیویستە بیزانیت: تا ئێستا 12 بارهەڵگر هاوکاری بە سێ کاروانی جیا لە ئۆفیسی ئاڤا میدیا لە هەولیرەوە ڕەوانەی سنووری چەمچەماڵ و دەوورووبەری کراون، چوار بارهەڵگریش لە هەڵمەتی زاخۆ ئامادەکراون و ڕەوانەی سنووری چەمچەماڵ دەکرێن.

ئەمەش بزانە: لە هەڵمەتەکەی ئاڤا سەدان تۆن هاوکاری کۆکراوەتەوە و بەچەند کاروانێک ڕەوانەی سنووری چەمچەماڵ دەکرێت و بەسەر زیانلێکەوتووانی لافاو دابەش دەکرێت.