سەرۆك بارزانی و ڕافع ئەلعیساوی دۆخی سیاسی عێراق تاوتوێ دەکەن

ئاڤا نیوز

سەرۆک بارزانی لە پیرمام پێشوازی لە د.ڕافع ئەلعیساوی، جێگری سەرۆکوەزیرانی پێشووتری عێراق کرد، لەبارەی دۆخی سیاسی عێراق گفتوگۆیان کرد.

وێنە گەورەکە: لەدوای ڕاگەیاندنی ئەنجامی هەڵبژاردنی پەرلەمانی عێراق، سەرکردە سیاسییە باڵاکانی عێراق بەمەبەستی گفتوگۆکردن لەبارەی پێکهێنانی کابینەی نوێی حکومەت، ڕوو لە هەولێر دەکەن و لەگەڵ سەرکردایەتی سیاسی کورد کۆ دەبنەوە، د.ڕافع ئەلعیساوی یەکێکە لە سەرکردە دیارەکانی عێراق، ئەمڕۆ گەیشتە پیرمام.

ڕاگەیێنراوی فەرمی: بارەگای بارزانی ئەمڕۆ یەکشەممە بڵاویکردەوە، سەرۆك مەسعود بارزانی لە پیرمام پێشوازی لە د.ڕافع ئەلعیساوی جێگری سەرۆکوەزیرانی پێشووتری عێراقی فیدراڵ کرد، لەدیدارێکدا تاوتوێی پڕۆسەی سیاسی عێراق و بارودۆخی ناوچەکە کرا، بەتایبەت قۆناغی دوای هەڵبژاردنی پەرلەمانی عێراق و هەماهەنگی هێز و لایەنە سیاسییەکانی عێراق.