10 بارهەڵگر کۆمەک و هاوکاری لە بادینان گەیشتنە ئۆفیسی سەرەکی ئاڤا لە هەولێر

ئاڤا نیوز

لە چوارچێوەی هەڵمەتی هاوکاریی ئاڤا بۆ هاوكاریكردنی زیانلێكەوتووانی لافاوەكەی سنووری چەمچەماڵ، ژمارەیەک بارهەڵگری دیکەی کۆمەک و هاوکاری لە بادینانەوە گەیشتنە ئۆفیسی سەرەکی ئاڤا لە هەولێر. هەر ئەمڕۆ ئەو هاوکارییانە  ڕەوانەی سنووری چەمچەماڵ دەکرێن.

چیرۆکی سەرەکی: ئەمڕۆ دووشەممە ، 14 بارهەڵگر کۆمەک و هاوکاری لە بادینان کۆکرانەوە، کەمێک پێش ئێستا 10 بارهەڵگر لەو کۆمەکانە گەیشتنە ئۆفیسی سەرەکی ئاڤا و هەر ئەمڕۆ ڕەوانەی سنووری چەمچەماڵ دەکرێن.

زانیاریی زیاتر: ئەو کۆمەک و هاوکارییانە لە کەلوپەلی ناو ماڵ، وەک "دۆشەک و ڕاخەر، سۆپا، نەوت، جلوبەگ، پێڵاو، ماددە خۆراکییەکان" و چەندین پێداویستی دیکەی ڕۆژانە پێکهاتبوون.

باکگراوند: لە سەرەتای لافاوەکانی ئەم دواییە کە چەمچەماڵ و بەشێکی دیکەی ناوچە جیاجیاکانی هەرێمی کوردستانی گرتەوە، ئاڤا هەڵمەتێکی گەورەی کۆکردنەوەی کۆمەک و هاوکاری بۆ زیانلێکەوتووانی لافاو لە چەمچەماڵ، تەکیە و شۆرش ڕاگەیاند.

کەمپینەکانی ئاڤا جگە لە هەولێر، لە ئاکرێ و زاخۆ و سەنتەری دهۆک دانرابوون، لەڕێگەی خێرخوازانەوە سەدان تۆن جلوبەرگ، خۆراک، پێداویستی کۆکراونەتەوە.