وەزارەتی بەرگریی تورکیا: فڕۆکەیەکی بێفڕۆکەوانمان لە دەریای ڕەش خستە خوارەوە

ئاڤا نیوز

تورکیا خستنە خوارەوەی فڕۆکەیەکی بێفڕۆکەوانی لە دەریای ڕەش ڕاگەیاند و دەڵێت: لەلایەن فڕۆکەی جەنگی F16ـەوە خراوەتەخوارەوە. 

بڵاوکراوەی فەرمی: وەزارەتی بەرگریی تورکیا لە بەیاننامەیەکدا ڕایگەیاند، بە مەبەستی ڕێگریکردن لە هەر زیان و مەترسییەک، فڕۆکەیەکی بێفڕۆکەوانیان لە ناوچەیەکی ئارام و دوور لە شوێنی نیشتەجێبوون خستووەتەخوارەوە.

- لە چوارچێوەی ڕێکارە چاودێریکردنی سنووری ئاسمانی وڵاتەکەیان فڕۆکە بێفڕۆکەوانەکەیان بەدی کردووە و دواتر دەرکەوتووە لە کۆنترۆڵ دەرچووە بۆ دڵنیابوون لە ئاسایشی ئاسمانی وڵاتەکەیان، فڕۆکە جەنگییەکانی جۆری (F-16) لەژێر فەرماندەیی ناتۆ و فەرماندەیی نیشتمانی وڵاتەکەیان، ئەرکی تێکشکاندنی فڕۆکە بێفڕۆکەوانەکەیان جێبەجێ کردووە.

باکگراوند: ئەم ڕووداوە لە کاتێکدایە ڕەجەب تەیب ئەردۆغان، سەرۆککۆماری تورکیا ڕۆژی شەممە هۆشداریدا لەوەی دەریای ڕەش ببێتە ناوچەی ڕووبەڕووبوونەوە لە نێوان ڕووسیا و ئۆکرانیا، ئەوەش دوای ئەوەی لە هەفتەکانی ڕابردوودا چەندین هێرش لەو ناوچەیەدا کرایە سەر کەشتییەکان.