هەفتەی داهاتوو شایستە داراییەکانی جووتیاران دابەش دەکرێت

ئاڤا نیوز

زیاتر لە 24 ملیار دینار پارەی گەنمی جووتیارانی هەرێمی کوردستان، خراوەتە سەر هەژماری بانکی وەزارەتی بازرگانی هەرێمی کوردستان، دوای تەواوکردنی ڕێککارە دارایی و کارگێڕییەکان لە سایلۆکان دەست بە دابەشکردنی دەکرێت.

وێنە گەورەکە: پارەی گەنمی ئەمساڵی جووتیاران زیاتر لە 340 ملیار دینارە، لەماوەی ڕابردوودا بەغدا بە سێ قۆناغ  96 ملیار دیناری ناردووە، هێشتا نزیکەی 290 ملیار دینار دەمێنێت، کە ڕوون نییە ئەم مانگە دەنێردرێت یان دەکەوێتە ساڵی داهاتوو.

لێدوانی فەرمی: نەوزاد شێخ کامیل، بەڕێوەبەری گشتی بازرگانی، لە وەزارەتی بازرگانی و پیشەسازی بە ئاڤای گوت، "ڕێککارەکان ئەم چەند ڕۆژە تەواو دەبن، بەڵام فریا ناکەوین دەست بە دابەشکردنی شایستە داراییەکان بکەین، سەرەتای هەفتەی داهاتوو هەموو ئەو جووتیارانەی لە یەک تۆن تاوەکو 500 تۆنیان ڕادەستی سایلۆکان کردووە شایستە داراییەکانیان وەردەگرن."

ژمارەکان وا دەڵێن: ئەو 24 ملیار و 250 ملیۆنەی ئەم قۆناغە هاتووە بەمشێوەیە بەسەر پارێزگاکاندا دابەش دەبێت:

٠ هەولێر: حەوت ملیار و 750
٠ سلێمانی و هەڵەبجە: نۆ ملیار و 500
٠ دهۆک: حەوت ملیار.