کاروانی هاوکارییەکانی ئاڤا میدیا دەگاتە ناحیەی پیرەمەگروون

ئاڤا نیوز

دوای ئەوەی گەنجێکی پیرەمەگروون لە گرتە ڤیدیۆیەکدا، گلەی لە ئاڤا میدیا دەکات کە هاوکارییان بۆ پیرەمەگروون کۆنەکردووەتەوە و ئەوانیش بەهۆی لافاوە تووشی زیانی گەورەبوون، ئەمڕۆ سێشەممە کاروانێکی هاوکاری ئاڤا میدیا دەگاتە ئەو ناحیە. 

وێنە گەورەکە: لەماوەی چەند ڕۆژی ڕابردوودا بەهۆی هاتنی شەپۆلێکی بارانبارین بۆ هەرێمی کوردستان، لافاو لە چەند ناوچەیەک دروستبوو و ئەمەش بووە هۆی زیانگەیاندن بە چەندین ماڵ و دووکانی هاووڵاتییان لە چەند ناوچەیەکی جیا جیا. 

زانیاریی زیاتر: شەوی ڕابردوو گەنجێکی ناحیەی پیرەمەگروونی قەزای دووکان، ڤیدیۆیەکی لە تۆڕە کۆمەڵایەتییەکان بڵاوکردەوە کە ڕەخنەی لە ئاڤا میدیا گرت و گوتی: ئاڤا میدیا تەنها خەڵکی چەمچەماڵ زیانیان بەرنەکەوتووە، بەڵکو بەشێکی زۆر لە هاووڵاتییانی ئێمەش ڕووبەڕووی زیانبوونەوە و دووکانەکەم بەبەهای 3 دەفتەر دۆلار زیانی بەرکەوتووە. 

ئەوەی پێویستە بیزانیت: دوای ئەوە هەوراز گوڵپی، ئەستێرەی ئاڤا میدیا پەیوەندی بەو گەنجەوە کرد و پێی ڕاگەیاند، داواکاریی و گلەییەکەی گەیشتووە، سبەی بارهەڵگرێکی پێداویستی لەو هاوکارییانەی کە بۆ ئاڤا میدیا هاتوون ڕەوانەی ناحیەی پیرەمەگروون دەکرێت.