لیستی مووچەی مانگی 12 ڕەوانەی بەغداد کرا

ئاڤا نیوز

وەزارەتی دارایی و ئابووری هەرێمی کوردستان، بەچەند ڕۆژێکی کەم لیستی مووچەی مانگی 12ـی ئامادەکرد و ئەمڕۆ لەڕێگەی تیمێکەوە ڕەوانەی وەزارەتی دارایی عێراق کرا.

وێنە گەورەکە: بەغدا مووچەی سێ مانگی (10، 11 و 12)مووچەخۆرانی هەرێمی کوردستانی تاوەکو ئێستا نەناردووە، حکومەتی هەرێمی کوردستان بەشێوەیەکی ڕژد کار لەسەر جێبەجێکردنی پابەندییەکانی دەکات، بۆ ئەو مەبەستەش وەزارەتی دارایی و ئابووری بەخێرایی لیستی مووچە، تەرازووی پێداچوونەوە و داهاتی نانەوتی ئامادە دەکات بۆ ئەوەی هیچ مووچەیەکی ئەمساڵی مووچەخۆران نەفەوتێت.

ڕاگەیێنراوی فەرمی: بەگوێرەی ڕاگەیێنراوی فەرمی وەزارەتی دارایی و ئابووری هەرێمی کوردستان، لیستی مووچەی مانگی 12، لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕەوانەی شاری بەغداد کراو بڕیارە سبەی چوارشەممە ڕادەستی فەرمانگەی ژمێریاری وەزارەتی دارایی حکومەتی فیدراڵ بکرێت.

ئەمەش بزانە: ئەمە لەکاتێکدایە کۆتایی هەفتەی ڕابردوو وردبینی لەبەغدا، وردبینی لە لیستی مووچەی مانگی 11 تەواو بوو، هیچ تێبینییەکیان لەسەر نەبوو.