ترەمپ قەدەغەی گەشتی سەر وڵاتان فراوانتر دەکات و سووریاش دەگرێتەوە

ئاڤا نیوز

 

دۆناڵد ترەمپ، سەرۆکی ئەمەریکا قەدەغەکردنی هاتووچۆی هاووڵاتیانی وڵاتانی بۆ ئەمریکا فراوانتر کرد و حەوت وڵاتی دیکەی خستە ناو لیستەکەوە.

 

وێنە گەورەکە: دوایین بڕیاری ترەمپ ژمارەی ئەو وڵاتانە دەگەیەنێتە نزیکەی 40 وڵات کە هاووڵاتیانیان تەنها بەهۆی ڕەگەزنامەییەوە ڕووبەڕووی سنووردارکردنی گەشت بۆ ئەمەریکا دەبنەوە. 

 

ئەوەی پێویستە بیزانیت: قەدەغەی ئەمجارە هەڵگرانی پاسپۆرتی سووریا و دەسەڵاتی فەلەستینیش لەخۆدەگرێت.

 

زانیاریی زیاتر: جگە لە سووریا و فەلەستین وڵاتانی دیکە کە قەدەغەی گەشتکردنیان بەسەردا سەپێنراوە بریتین لە هەندێک لە هەژارترین وڵاتانی ئەفریقا: بورکینا فاسۆ، مالی، نیجەر، سیرالیۆن و باشووری سودان و هەروەها لائۆس لە باشووری ڕۆژهەڵاتی ئاسیا.

 

ئەمەش بزانە: ترەمپ دژایەتی کۆچبەران دەکات و لەم ڕێگەیەوە دەیەوێت کۆچبەری سنووردار بکات. ترەمپ هەروەها ڕێکارەکانی گەشتی هاووڵاتیانی وڵاتانی ڕۆژئاوایی توندتر کردووە.