پاتریارکی کلدانی 50 ملیۆن دینار دەبەخشێتە زیانلێکەوتووانی لافاوەکەی چەمچەماڵ

ئاڤا نیوز

پاتریارکی کلدانی لە هەرێمی کوردستان و عێراق  50 ملیۆن دینار دەگەیێنێتە زیانلێکەوتووانی لافاوەکەی چەمچەماڵ، کە لە چەند ڕۆژی ڕابردوو بەهۆی لافاوەوە زیانی گیانی و ماددی زۆری لێ کەوتەوە.

 

وێنە گەورەکە: دوای ئەوەی ئاڤا، دەنگی لێقەوماوانی لافاوەکەی چەمچەماڵ، شۆڕش و تەکیەی بەشێوەیەکی فراوان گەیاند، سەرمایەدار و خێرخوازان، بەشدارییان لە هەڵمەتەکەدا کرد، زیاتر لە پێنج ملیار دینار هاوکاریی کۆکرایەوە، ژمارەیەک خانووش بۆ چەند خانەوادەیەکی هەژار دابین کران.

 

ڕاگەیێنراوی فەرمی: بەگوێرەی ڕاگەیێنراوی نووسینگەی لویس ساکۆ، پاتریارکی کلدانی لە هەرێمی کوردستان و عێراق، لەلایەن کەنیسەی کلدانییەوە 50 ملیۆن دیناری دابین کردووە بەمەبەستی هاوکاری کردنی زیانلێکەوتووان تاوەکو لە ئازارەکانیان کەم بکاتەوە."

 

باکگراوند: سێشممەی ڕابردوو، 09-12-2025، لافاو لە چەند ناوچەیەکی پارێزگای سلێمانی ڕوویدا، بەهۆیەوە لە سنووری چەمچەماڵ، شۆڕش، تەکیە، ئاغجەلەر، بازیان و پیرەمەگروون زیانی گیانی و زیانی زۆری ماددی لێکەوتەوە.