گەشتەکانی فڕۆکەخانەی سلێمانی بۆ ئەڵمانیا دەستپێدەکاتەوە

ئاڤا نیوز

 

دوای نزیکەی دوو ساڵ و نیو لە وەستانی، گەشتەکانی فڕۆکەخانەی سلێمانی بۆ ئەڵمانیا دەستپێدەکاتەوە و هەفتانە گەشت بۆ شاری دۆسڵدۆرفی ئەڵمانیا دەکرێت.

 

چیرۆکی سەرەکی: لە فڕۆکەخانەی نێودەوڵەتیی سلێمانی ڕۆژانە پێنج بۆ حەوت گەشتی ئاسمانی بۆ عێراق، قەتەر، تورکیا، ئوردەن و سعوودییە دەکرێت، هەفتانەش گەشتێک بۆ شاری دۆسڵدۆرفی ئەڵمانیا دەبێت، ڕۆژی سێشەممە 16-12-2025، یەکەم گەشتی ئاسمانی بۆ ئەو شارە کرا، 23-12-2025 دوای گەشتی دیکە دەکرێت.

 

لێدوانی فەرمی: دانا محەممەد، بەڕێوەبەری ڕاگەیاندنی فڕۆکەخانەی نێودەوڵەتیی سلێمانی بە ئاڤای گوت، "بەهۆی وەستاندنی گەشتەکانی فڕۆکەخانەی سلێمانی بۆ تورکیا، گەشتی ئەڵمانیاش وەستابوو، ئێستا لەگەڵ ئاسایی بوونەوەی دۆخەکە گەشتەکانی شاری دۆسڵدۆرفی ئەڵمانیاش ئاسایی دەبنەوە و هەفتانە گەشتمان دەبێت."

 

باکگراوند: تورکیا لە 2023، ئاسمانی وڵاتەکەی بە ڕووی گەشتەکانی فڕۆکەخانەی سلێمانیدا داخست و چەند جارێک داخستنەکە درێژ کرایەوە، تا لە ڕۆژی سێی تشرینی دووەمی ئەمساڵەوە گەشتەکانی فڕۆكەخانەی نێودەوڵەتیی سلێمانی بۆ توركیا و بە پێچەوانەشەوە دەستپێکردەوە.