ڤەنزوێلا لەبارەی ئەمریکاوە داوایەک لە ئەنجوومەنی ئاسایشی نەتەوە یەکگرتووەکان دەکات

ئاڤا نیوز

گوشارەکانی ئەمریکا بۆ سەر ڤەنزوێلا تادێت زیاتر دەبێت و بەهۆیەوە ڤەنزوێلا داوایەک ئاراستەی ئەنجوومەنی ئاسایشی نەتەوە یەکگرتووەکان دەکات بۆ ئەوەی کۆبوونەوەیەک بۆ ئەم پرسە ئەنجام بدات.

زانیاریی بەدەستهاتوو: ڤەنزوێلا داوای لە ئەنجوومەنی ئاسایشی نەتەوە یەکگرتووەکان کردووە کۆبوونەوەیەک بۆ تاوتوێکردنی "دەستدرێژییە بەردەوامەکانی ئەمریکا" بۆ سەر ئەو وڵاتە ئەنجام بدات.

ئەوەی لەبارەیەوە دەگوترێت: دیپلۆماتکارێکی نەتەوە یەکگرتووەکان بە ڕۆیتەرزی ڕاگەیاندووە، ئەگەری زۆرە ئەو کۆبوونەوەیە ڕۆژی سێشەممەی داهاتوو بەڕێوەبچێت.

ئەمەش بزانە: دۆناڵد ترەمپ، سەرۆکی ئەمریکا، فەرمانی “گەمارۆ”ی بۆ ڕێگریکردن لە چوونە ژوورەوە یان دەرچوون لە کەشتییە نەوتهەڵگرەکانی سزادراو لە ڤەنزوێلا دەرکرد، ئەمەش دوایین هەنگاوی واشنتن بوو بۆ چڕکردنەوەی گوشارەكان لەسەر حکومەتی نیکۆلاس مادۆرۆ سەرۆکی وڵاتەکە.