ڕووسیا هاووڵاتییەکی بەریتانی بە 13 ساڵ زیندانی سزا دا

ئاڤا نیوز

دادگایەکی ناوچەی دۆنێتسک کە لەلایەن ڕووسیاوە کۆنترۆڵکراوە، سزای 13 ساڵ زیندانیکردنی بەسەر هاووڵاتییەکی بەریتانیدا سەپاند. 

چیرۆکی سەرەکی: بەریتانییەکە ناوی هایدن دەیڤیسە و تەمەن 31 ساڵە. ئەو ساڵی 2024 لە کاتی شەڕدا لەلایەن هێزەکانی ڕووسیاوە دەستگیرکرابوو. دادگا تۆمەتباری کردووە بەوەی وەک "بەکرێگیراو"  لە ڕیزەکانی سوپای ئۆکرانیادا شەڕی کردووە.

کاردانەوەکان: وەزارەتی دەرەوەی بەریتانیا بە تووندی سەرکۆنەی بڕیارەکەی دادگاکەی ڕووسیای کرد و ڕایگەیاند دەیڤیس بەکرێگیراو نییە و دەبێت وەک دیلی جەنگ مامەڵەی لەگەڵ بکرێت. 

ئەمەش بزانە: بەپێی یاسا نێودەوڵەتییەکان و ڕێککەوتننامەی جنێف، نابێت دیلەکانی جەنگ بەهۆی بەشداریکردن لە پێکدادانەکان دادگایی بکرێن.