یەکێتیی ئەوروپا 90 ملیار یۆرۆ قەرز دەداتە ئۆکرانیا

ئاڤا نیوز

سەرکردەکانی یەکێتیی ئەوروپا لە کۆبوونەوەی لوتکەی برۆکسێلدا، لەسەر پێدانی قەرزێکی گەورە بە بڕی 90 ملیار یۆرۆ بە ئۆکرانیا ڕێککەوتن.

وێنە گەورەکە:  بڕیارە ئەم قەرزە بۆ دوو ساڵی داهاتوو بێت و لەسەر بودجەی یەکێتیی ئەوروپا تەرخان بکرێت. ئۆکرانیا تەنیا ئەو کاتە قەرزەکە دەداتەوە کە ڕووسیا قەرەبووی زیانەکانی جەنگی پێ بدات. 

ئەوەی پێویستە بیزانیت: لە کۆبوونەوەکەدا نەتوانرا ڕێککەوتنی کۆتایی لەسەر بەکارهێنانی داراییە سڕکراوەکانی ڕووسیا بکرێت، ئەمەش لەبەر ئەوەی بەلجیکا، کە %88ـی سەرمایە سڕکراوەکانی ڕووسیای لەوێیە، هاوڕا نییە. 

باکگراوند: لە شوباتی 2022ـەوە شەڕی نێوان ڕووسیا و ئۆکراینا دەستیپێکردووە و ئەوروپا لە هەموو ڕوویەکەوە پاڵپشتیی لە ئۆکراینا دەکات.