لە كەركووک ئەفسەرێكی پۆلیس بە دەستڕێژی گولـلە دەكوژرێت

ئاڤا نیوز

کەمێک پێش ئێستا ئەفسەرێکی پۆلیسی کەرکوک کە پلەی عەقیدە بە دەستڕێژی گولـلە كوژرا، هێزە ئەمنییەكانیش بەدوای دۆزینەوەی تۆمەتبارانن.

زانیاریی بەدەستهاتوو: سەرچاوەیەک لە پۆلیسی کەرکوک بەئاڤای راگەیاند: سێ چەکداری نەناسراو، لە ناو ئۆتۆمبێلێکی جۆری ئۆپڵ ئۆمیگا، لە گەڕەکی عەرەفە دەستدڕێژی گولـلەیان لە عەقید عادل جەرجیس، ئەفسەری پۆلیس کردووە کە یەكێك لە فیشەكەكان بەر دەماری ملی كەوتووە و بووەتە هۆی گیان لەدەستدانی.

زانیاریی زیاتر: ئەو سەرچاوەیە ئاماژەی بەوەشكرد، ئێستا تەرمی ئەفسەرە كوژراوەكە، لە نەخۆشخانەی گشتیی فێركاری كەركووكە و لێکۆڵینەوە لە ڕووداوەکە بەمەبەستی دۆزینەوەی تۆمەتباران دەستی پێکردووە.

باكگراوند: عەقید زەید عادل جەرجیس، لە نەتەوەی مەسیحیە، چەند ساڵێک بەڕێوەبەری بنکەی پۆلیسی عەرەفە بووە، خێزاندارە و سێ منداڵی هەیە.