کارمەندێکی ئەمنی لە بەسرە بە 30 فیشەک کوژرا

ئاڤا نیوز

ئەمڕۆ هەینی، کارمەندێکی ئەمنی لە قەزای دێر، باکووری پارێزگای بەسرە، بەهۆی کێشەیەکی کەسییەوە کە پەرەی سەند بۆ بەکارهێنانی چەک بە 30 فیشەک کوژرا.

لێدوان فەرمی: ئەمڕۆ هەینی سەرچاوەیەکی ئەمنی بە "ئاڤا میدیا"ی ڕاگەیاندووە: کێشەکە لە نێوان کارمەندەکە و کەسێکی تردا بووە و دواتر پەرەی سەندووە بۆ بەکارهێنانی چەکی جۆری کڵاشینکۆف، ئەو کەسە 30 فیشەکی لە قوربانییەکە داوە و بەهۆیەوە گیانی لەدەستداوە.

ئەوەی پێویستە بیزانیت: قوربانییەکە لەدایکبووی ساڵی 1989 بووە و وەک کارمەند لە یەکێک لە دەزگا ئەمنییە فەرمییەکاندا کاری کردووە و لە هەمان ناوچەی ڕووداوەکەدا نیشتەجێ بووە.