ئەمریکا هێرشی تۆڵەسەندنەوەی لە سووریا ئەنجامدا

ئاڤا نیوز

سوپای ئەمریکا هێرشێکی بەرفراوانی بۆ سەر دەیان ئامانجی داعش لە سووریا ئەنجامدا و سەرۆکی ئەمریکاش هێرشەکە وەک تۆڵەسەندنەوەیەک زۆر تووند وەسف دەکات.

چیڕۆکی سەرەکی: هەفتەی ڕابردوو ئەمریکا کوژران و برینداربوونی ژمارەیەک سەرباز و کارمەندیی وڵاتەکەی ڕاگەیاند، لەبەرامبەردا سەرۆکی ئەمریکا هەڕەشەی تۆڵەسەندنەوەی جددی کرد.

بڵاوکراوەی فەرمی: فەرماندەیی ناوەندیی ئەمریکا (سێنتکۆم) گرتەی ئەو هێرشانەی بڵاوکردەوە کە لە دژی پێگەکانی داعش لە سووریا ئەنجامداوە، ڕایدەگەینێت فڕۆکەکانی ئوردنی بەشدارییان لە هێرشەکەدا کردووە و "زیاتر لە 70 پێگەی داعشی لە سووریا کردۆتە ئامانج بە بەکارهێنانی زیاتر لە 100 مووشەکی زیرەک و ورد''.

لێدوانی فەرمی: دۆناڵد ترەمپ، سەرۆکی ئەمریکا لەبارەی هێرشەکەوە وتی لێرە ڕایدەگەیەنم کە ئەمریکا تۆڵەسەندنەوەیەکی زۆر جددی دەکات، هەروەک چۆن بەڵێنم دابوو.