ئەمریکا: ڤەنزوێلا هەماهەنگی لەگەڵ ئێران و حیزبوڵڵا هەیە

ئاڤا نیوز

گرژییەکانی نێوان ئەمریکا و ڤەنزوێلا تادێت زیاتر دەبێت مارکۆ ڕۆبیۆ، وەزیری دەرەوەی ئەمریکا، وڵاتەکە بە هەماهەنگی لەگەڵ ئێران و حیزبوڵڵا تۆمەتبار دەکات.

لێدوانی فەرمی: مارکۆ ڕۆبیۆ، وەزیری دەرەوەی ئەمریکا ڕایگەیاند، ڤەنزوێلا هەماهەنگی لەگەڵ تاوانباران دەکات کە هەڕەشە لە ئاسایشی نیشتمانیمان دەکەن، دەشڵێت ڤەنزوێلا هەماهەنگی لەگەڵ ئێران و حیزبوڵڵا و باندەکانی بازرگانیکردن بە ماددە هۆشبەرەکان دەکات.

- لەبارەی ئەگەری کۆبوونەوەی نێوان هەردوو سەرۆکی ئەمریکا و ڤەنزوێلا ڕۆبیۆ وتی، من هیچ لێدوانێک لەسەر دانوستانەکانی سەرۆک ترەمپ نادەم، تەنیا ئاماژە بەو ڕاستییە دەدەم کە سەرۆک وەک تێبینیتان کردووە، ئامادەیە قسە لەگەڵ هەر کەسێک بکات.

زانیاریی زیاتر: لای خۆیەوە دۆناڵد ترەمپ، سەرۆکی ئەمریکا ئەگەری شەڕ لەگەڵ ڤەنزوێلا لەسەر مێز جێدەهێڵێت و وتی، ئەو بە باشی دەزانێت من چیم دەوێت، لە هەر کەسێکی دیکە باشتر دەزانێت.