ئێران کەسێک بە تۆمەتی سیخوڕیکردن بۆ ئیسرائیل لەسێدارە دەدات

ئاڤا نیوز

دەسەڵاتی دادوەریی ئێران جێبەجێکردنی سزای لەسێدارەدانی بەسەر "سیخوڕێکی ئیسرائیل"دا ڕاگەیاند. 

ڕاگەیێنراوی فەرمی: ئاژانسی "میزان"ی سەر دەسەڵاتی دادوەریی ئێران ڕایگەیاند، سزای لەسێدارەدانیان بۆ کەسێک جێبەجێ کردووە کە تۆمەتبار بووە بە "سیخوڕیکردن بۆ دەزگای مۆسادی ئیسرائیلی".

وێنە گەورەکە: ئەمە نوێترین زنجیرەی لەسێدارەدانە لە ئێران کە لە دوای جەنگی 12 ڕۆژەی نێوان ئێران و ئیسرائیل زیاتر بوون.

زانیاریی زیاتر: لەسێدارە دراوەکە ناوی (عەقیل کیشاوەرز)ـە و تۆمەتبارکراوە بە سیخوڕیکردن بۆ ئیسرائیل، پەیوەندی و هاوکاری لەگەڵ ئیسرائیل و وێنەگرتنی شوێنە سەربازی و ئەمنییەکای ئێران.

ئەمەش بزانە: تۆمەتبارەکە لە نێوان مانگی نیسان و ئایاری ئەمساڵ لە شاری ورمێ دەستگیرکراوە.