ترەمپ و نەتانیاهۆ لە کوێ کۆدەبنەوە؟

ئاڤا نیوز

هەرچەندە هێشتان دیداری نێوان دۆناڵد ترەمپ، سەرۆکی ئەمریکا و بنیامین نەتانیاهۆ، سەرۆکوەزیرانی ئیسرائیل لەلایەن کۆشكی سپیەوە ئاشکرا نەکراوە بەڵام ئەگەر هەیە هەفتەی داهاتوو هەردووکیان لە فلۆریدا کۆببنەوە

زانیاریی بەدەستهاتوو: نووسینگەی نەتانیاهۆ ئەمەی ئاشكرا کردووە لە 29 ئەم مانگەدا نەتانیاهۆ بۆ کۆبوونەوە لەگەڵ ترەمپ بەرەو ئەمریکا دەچێت، بۆ تاوتوێکردنی پلانەکانی داهاتووی غەززە، هەرچەندە تا ئێستا کۆشکی سپی ڕانەگەیاندووە.

لێدوانی فەرمی: دۆناڵد ترەمپ، سەرۆکی ئەمریکا دەڵێت: بۆ ماوەیەکی کورت دەچینە فلۆریدا، زۆرتر کار دەکەین، کۆبوونەوەی زۆرمان بۆ دانراوە، لەبارەی دیدارەکەی لەگەڵ نەتانیاهۆ دەشڵێت، هێشتان بە فەرمی پلانی ئەو دیدارە دانەنراوە بەڵام نەتانیاهۆ دەیەوێت من ببینێت بۆیە لەوانەیە ئەویش بێت بۆ فلۆریدا.

ئەمەش بزانە: ئەم سەردانەی نەتانیاهۆ پێنجەمین گەشتی ناوبراو دەبێت بۆ ئەمریکا لە دوای گەڕانەوەی ترەمپ بۆ کۆشكی سپی، یەکەم سەردانیشە لەوەتەی ئاگربەست لەنێوان ئیسرائیل و حەماس ڕاگەیێنراوە.