قوتابییەک لە بۆکان پارچەیەک پسکیت لە قورگی گیر دەبێت و دەخنکێت

ئاڤا نیوز

 

لە گوندێکی شاری بۆکان، قوتابییەک بەهۆی گیربوونی پارچە پسکیتێک لە قوڕگیدا دەخنکێت.

چیرۆکی سەرەکی: قوتابییەکە بە ناوی محەممەد پۆرزومیە، قوتابی پۆلی یەکەی سەرەتایی بوووە لە گوندی بەردە زەرد. ڕۆژی چوارشەممەی هەفتەی ڕابردوو لەکاتی ڕاکردن و یاریکردن لە حەوشەی قوتابخانەدا، تووشی ئەو ڕووداوە بووە، واتا بە ڕاکردنەوە خواردنی خواردووە.

 

لێدوانی فەرمی: خەشایار سەنعەتی، قایمقامی بۆکان، ڕووداوەکەی پشتڕاست کردووەتەوە و دەڵێت: ڕووداوەکە لەکاتی پشووی نێوان وانەکان ڕووی داوە.

 

دەشڵێت، دکتۆرەکان لە نەخۆشخانەکانی بۆکان توانیویانە سەرەتا پڕۆسەی بووژانەوەی بۆ بکەن، پاشان بۆ وەرگرتنی چارەسەری زیاتر ڕەوانەی ورمێ کراوە، بەڵام هەوڵەکان بێسوود بوون و گیانی لەدەست داوە.