یەکەم خاوەن پێداویستیی تایبەت چووە بۆشایی ئاسمان

ئاڤا نیوز

 

ژنێکی ئەڵمانی بوو بە یەکەم کەسی خاوەن پێداویستیی تایبەت گەشتێکی کورت بۆ بۆشایی ئاسمان ئەنجام بدات و دەڵێت، "ئەزموونێکی تایبەت بووە".

 

چیرۆکی سەرەکی: کۆمپانیای بلو ئۆرجینکە، خاوەنەکەی ملیاردێری ئەمریکی جێف بێزۆسە، گەشتێکی بۆ خوار خولگەی زەوی لە بنکەکەی خۆی لە ویلایەتی تێکساس دەستپێکرد.

 

زانیاریی زیاتر: میخائیلا بێنتهاوس، کە پیشەی ئەندازیارە و خاوەن پێداویستیی تایبەتە یەکێک بوو لەو سەرنشینانەی کە لە گەشتێکی 10 خولەکیدا چووە بۆشایی ئاسمان.

 

لێدوانی فەرمی: میخائیلا بێنتهاوس ڕایگەیاند، پێشتر هیچ کات بیرم لەوە نەکردبووە وەک کەسێکی خاوەن پێداویستیی تایبەت بتوانم بچمە بۆشایی ئاسمان و ئەمە ئەزموونێکی تایبەت بوو بۆم.

 

بێنتهاوس پێشتر بەهۆی ئەوەی لە گەشتێکی شاخەوانی بە پاسکیلسواریی تووشی پێکان بوو لە دڕکەپەتکیدا، لەو کاتەوە کورسیی بەکاردەهێنێت و بووەتە کەسێکی خاوەن پێداویستیی تایبەت.