کتێبی "کۆتا جەنگی جەنەڕاڵ" لە ئامەد بڵاو دەکرێتەوە

ئاڤا نیوز

 

کتێبی "کۆتا جەنگی جەنەڕاڵ" لە نووسینی ڕۆماننووس، "جان دۆست" لە شاری ئامەدی باکووری کوردستان ناساندنی بۆ دەکرێت و بڵاو دەکرێتەوە.

 

چیرۆکی سەرەکی: ڕۆژی شەممە، 20-12-2025، لە ڕێوڕەسمێکی تایبەتدا، کە لەلایەن "کوردستان کرۆنێکل" لە شاری ئامەدی باکووری کوردستان ڕێکخرا، کتێبی "کۆتا جەنگی جەنەڕاڵ" ناساندنی بۆ کرا، ئەم کتێبە ڕۆمانێکی نووسەر "جان دۆست"ە، باس لە خەبات و تێکۆشان و ڕۆڵ و کارێزمایی ڕێبەری نەتەوەیی کورد ، بارزانی نەمر دەکات.

 

لێدوانی فەرمی: جان دۆست، نووسەری ڕۆمانی "کۆتا جەنگی جەنەڕاڵ"، بە ئاڤای گوت: ئەمە ستایلی نووسینی منە، دەمەوێت کەسایەتییە گەورەکان لە ڕۆمان و دەقی ئەدەبی بنووسمەوە، چونکە دەقە ئەدەبییەکان کاریگەرییان لەسەر خوێنەر زیاترە.

 

زانیاریی زیاتر: کتێبی "کۆتا جەنگی جەنەڕاڵ" ڕۆمانێکی کوردییە لە نووسینی ڕۆماننووس"جان دۆست" ، ڕۆمانەکە بە تیپی لاتینی و عەرەبی و شێوەزاری سۆرانی چاپ کراوە و بڵاو کراوەتەوە، لە داهاتووێکی نزیک وەردەگێردرێتە سەر زمانی ئینگلیزی .