ئەمریکا دەستی بەسەر کەشتییەکی نەوتهەڵگری ڤەنزوێلا گرت

ئاڤا نیوز

 

ئاسایشی نیشتمانیی ئەمریکا دەڵێت لە کەناراوەکانی ڤەنزوێلا دەستیان بەسەر کەشتییەکی نەوتهەڵگری ئەو وڵاتەدا گرتووە.

 

وێنە گەورەکە: لە ڕۆژانی ڕابردوودا دۆناڵد ترەمپ، سەرۆکی ئەمریکا  فەرمانی "گەمارۆ"ـی بۆ ڕێگریکردن لە چوونە ژوورەوە یان دەرچوون بۆ سەرجەم کەشتییە نەوتهەڵگرەکانی سزادراو لە ڤەنزوێلا دەرکرد.

 

زانیاریی بەدەستهاتوو: بەگوێرەی ڕاپۆرتی وەزارەتی ئاسایشی نیشتمانیی ئەمریکا: هێزی دەریایی ئەمریکا دەستی بەسەر کەشتییەکی نەوتهەڵگردا گرتووە لە کەناراوەکانی ڤەنزوێلا.

 

ئەمەش بزانە: ئەمە دووەم جارە لەم مانگەدا ئەمریکا دەست بەسەر کەشتیی نەوتهەڵگری ڤەنزوێلا دەگرێت.

 

بۆچوونی لایەنی بەرامبەر: لە بەرامبەردا ڤەنزوێلا دەستبەسەرداگرتنی کەشتییە نەوتهەڵگرەکەی لەلایەن ئەمریکاوە ئیدانە کرد و بە "دزی و ڕفاندن" وەسفی کرد.