وەزارەتی دارایی: سبەی 120 ملیارەکە بۆ بەغدا دەنێرین

ئاڤا نیوز

 

وەزارەتی دارایی کوردستان ڕایگەیاند، "سبەی دووشەممە 120 ملیار دیناری داهاتی ناوخۆ بۆ بەغدا دەنێرین".

 

وێنە گەورەکە: هەوڵەکانی حکومەتی کوردستان بۆ خەرجکردنی مووچەی مانگی 10 بەر لە سەری ساڵ بەردەوامن، تەیف سامی بۆ خەرجکردنی مووچەی ئەو مانگە سێ مەرجی هەیە، کە میزان موراجەعە و داهاتی ناوخۆن هەردووکی ئامادەکراون و میزان نێردراوە و تەنیا داهاتی نانەوتی ماوە بنێردرێت. مەرجێکی دیکەش ناردنی ڕاپۆرتی هەناردەکردنی نەوتە کە ئەویش نێردراوە و ئێستا لە بەغدایە.

 

ڕاگەیێنراوی فەرمی: وەزارەتی دارایی کوردستان بڵاوی کردەوە: سبەی دووشەممە ڕێکەوتی 22ـی 12ـی 2025 بڕی 120 ملیار دینار وەک داهاتی نانەوتی هەرێم بۆ مانگی تشرینی یەکەم بەشێوەی کاش دەخرێتە سەر هەژماری بانکیی وەزارەتی دارایی حکومەتی فیدراڵ لە لقی هەولێری بانکی ناوەندیی عێراق.

 

لەلایەکی دیکەوە: بەرپرسێکی باڵای حکومەتی عێراق بە ئاڤای گوت، ئەگەر ڕۆژی یەکشەممە هەرسێ داواکارییەکە جێبەجێ بکرێن، لە دووشەممەوە دەست بە جێبەجێکردنی ڕێکارەکان دەکرێ و تا کۆتایی ئەم هەفتەیە پارە دەنێردرێت، ئەگەرنا دوادەکەوێت، ڕەنگە ناردنی مووچە لە بەغدا دوابکەوێت بۆ 28 و 29ـی ئەم مانگە.