کۆمپانیای سۆمۆ: هەناردەکردنی نەوتی هەرێمی کوردستان بەردەوام دەبێت

ئاڤا نیوز

 

کۆمپانیای سۆمۆ پابەندبوونی خۆی بە جێبەجێکردنی ڕێککەوتنەکانی لەگەڵ هەرێمی کوردستان دووپات دەکاتەوە و ڕایدەگەیێنێت، هەناردەکردنی نەوتی هەرێمی کوردستان بەردەوام دەبێت.

 

وێنە گەورەکە: پێشتر حکومەتی هەرێمی کوردستان و عێراق لەگەڵ کۆمپانیا بەرهەمهێنەرەکانی نەوت گەیشتنە ڕێککەوتنێکی سێقۆڵی بۆ دەستپێکردنەوەی هەناردەی نەوتی هەرێمی کوردستان لە ڕێگەی کۆمپانیای سۆمۆ، بەگوێرەی ڕێککەوتنەکەش مافی کۆمپانیاکان گەرەنتی دەکرێت، بۆ بەرهەمهێنانی هەر بەرمیلێک نەوتیش 16 دۆلاریان بۆ دیاریکراوە و لەبری پارە نەوتیان پێدەدرێت.

 

ڕاگەیێنراوی فەرمی: کۆمپانیای سۆمۆ ڕایگەیاند، پابەندبوونی تەواوی خۆمان بە جێبەجێکردنی هەموو ئەرکەکان لە چوارچێوەی دەسەڵاتی دادوەری و بەپێی ئەو ڕێککەوتنانەی کە هەن لەگەڵ هەرێمی کوردستان دووپات دەکەینەوە.

 

-بەردەوامین وەرگرتن و بارکردنی بێ پچڕانی نەوتی خاو کە لە هەرێمی کوردستانەوە، بەمەش گەرەنتیی بەردەوامی هەناردەکردن دەکات، سەرەڕای ئاستەنگە لۆجستیەکان و توانای هەڵگرتنی سنووردار کە ئێستا لە بەندەری جەیهانی تورکیا هەیە.

 

- لە ڕاگەیێنراوەکەی سۆمۆ ئاماژە بە ڕاپۆرتێکی ڕۆیتەرز کراوە؛ کە لە 26-9-2025، بڵاو کراوەتەوە، ئاماژەی بەوەداوە کە یەکێک لە کۆمپانیاکانی نەوت لە هەرێمی کوردستان ڕایگەیاندووە ڕاستەوخۆ بەشدار نییە لە هەناردەکردن و بە شێوەیەکی سەربەخۆ لە ڕێگەی بۆری نەوتی عێراق - تورکیا لە دەرەوەی ڕێککەوتنی نێوان حکومەتی ناوەند و هەرێمی کوردستان نەوتەکەی دەفرۆشێت.

 

-سۆمۆ جەخت دەکاتەوە کە وەزارەتی سامانە سروشتییەکانی هەرێم پابەندبوونی خۆی بە ڕێککەوتنەکە نوێ کردووەتەوە، کە بەپێی ئەو ڕێککەوتنە دەبێت سەرجەم کۆمپانیا بیانییەکانی نەوت، نەوتی خاوی بەرهەمهاتوو ڕادەستی سۆمۆ بکەن، بێجگە لەو بڕەی بۆ بەکاربرنی ناوخۆیی هەرێم تەرخان کراوە.