شەڕ و پێکدادانەکانی سنووری تایلەند زیاتر لە نیو ملیۆن کەس لە کەمبۆدیا ئاوارە دەکات

ئاڤا نیوز

بەهۆی دووبارە دروستبوونی شەڕ و پێکدادانی نێوان کەمبۆدیا و تایلەند، تاوەکو ئێستا زیاتر لە نیو ملیۆن کەس لە کەمبۆدیا و نزیکەی 400 هەزار کەسیش لە تایلەند ئاوارەبوون.

چیڕۆکی سەرەکی: سەرەڕای ئەو ئاگربەستەی کە ئەمریکا لەنێوانیانی ڕاگەیاندبوو، لەم مانگەدا دووبارە شەڕ و پێکدادان لە نێوان وڵاتانی دراوسێی کەمبۆدیا و تایلەند سەریهەڵدایەوە و هەردوولا یەکتریان بە پێشڵکردنی ئاگربەستەکە تۆمەتبار کرد.

بڵاوکراوەی فەرمی: وەزارەتی ناوخۆی کەمبۆدیا، ئەمڕۆ یەکشەممە ڕایگەیاند، زیاتر لە نیو ملیۆن کەس لە کەمبۆدیا بەهۆی پێکدادانێکی کوشندە لەسەر سنوورەکان لەگەڵ تایلەند ئاوارەبوون.

لەلایەکی دیکەوە: لە بەرامبەردا تایلەند دەڵێت، بەهۆی هەڵگیرسانی ململانێ سنوورییەکان نزیکەی 400 هەزار کەس ئاوارەبوون.

ژمارەکان وادەڵێن: بەهۆی دووبارە سەرهەڵدانەوەی ئەم شەڕە لانیکەم 22 کەس لە تایلەند و 19 کەس لە کەمبۆدیا کوژراون.