ئاڤای خەڵک؛ نزیکەی 50 ماڵ لە گەڕەکی بێرکۆتی نوێ بێ کارەبان

ئاڤا نیوز

ماوەی هەفتەیەکە نزیکەی 50 ماڵ لە گەڕەکی بێرکۆتی نوێی شاری هەولێر کارەبایان نیە، لە ڕێگەی ئاڤا داوا دەکەن بەدواداچوون بۆ ئەو کێشەیە بکرێت.

کێشەی سەرەکی: ئەمڕۆ ژمارەیەک هاووڵاتی لە گەڕەکی بێرکۆتی نوێی شاری هەولێر پەیوەندییان بە ئاڤاوە کردووە و دەڵێن، "ماوەی هەفتەیەکە نزیکە 50 ماڵ کارەبامان بڕاوە و تاوەکو ئێستا نەهاتووەتەوە.

لێدوانی فەرمی: کەمال عەساف، بەڕێوەبەری دابەشكردنی كارەبای دووی هەولێر، بە ئاڤای ڕاگەیاند، هۆکاری تێکچوونی کارەبای گەڕەکی بێرکۆتی نوێ، بۆ ئەوە دەگەڕێتەوە ئەوانەی لە گەڕەکی هەشتی حەسارۆک  تازە خانوویان درووست کردووە، بە نایاسایی کارەبایان ڕاکێشاوە، ئەو گەڕەکە نوێییە تۆڕی کارەبایان نیە، دەشڵێت، دانیشتووانی ئەو گەڕەکە، بەشێوەی فول کارەبایان ڕاکێشاوە و زیادەڕۆیش لە بەکارهێنانی دەکەن.

چارەسەرەکان: ئاڤا میدیا بەدواداچوونی بۆ چارەسەری ئەو گرفتە کرد، بەڕێوەبەرایەتی دابەشکردنی کارەبای دووی هەولێر دەڵێت، ئەم کێشەیە تەنیا بە دابینکردنی تۆڕی کارەبا چارەسەر دەکرێت، لەسەر هێڵ دەبن بۆ ئەوەی گرفتەکە چارەسەر بکەن.