120 ملیار دینار داهاتی ناوخۆ ڕەوانەی بەغدا کرا

ئاڤا نیوز

بەمەبەستی خەرجکردنی مووچەی مانگی 10ـی مووچەخۆرانی کوردستان، وەزارەتی دارایی هەرێمی کوردستان، بڕی 120 ملیار دیناری بەشێوەی کاش خستەسەر هەژماری لقی هەولێری بانکی ناوەندی.

وێنە گەورەکە: هەوڵەکانی حکومەتی کوردستان بۆ خەرجکردنی مووچەی مانگی 10 بەر لە سەری ساڵ بەردەوامن، سەرجەم مەرجەکانی بۆ ئەو مەبەستە جێبەجێکردوون.

ڕاگەیێنراوی فەرمی: وەزارەتی دارایی و ئابووری هەرێمی کوردستان لە ڕاگەیێنراوێکدا ئاماژە بەوە دەدات، 120 ملیار دینار وەک داهاتی نانەوتی هەرێم بۆ مانگی 10 بەشێوەی کاش خرایە سەر هەژماری بانکی وەزارەتی دارایی حکومەتی فیدراڵ لە لقی هەولێری بانکی ناوەندی عێراق.

ئەمەش بزانە: تەیف سامی سێ داواکاری بۆ خەرجکردنی مووچەی مانگی 10 هەیە، ڕاپۆرتی داهات و هەناردەی نەوتی کوردستان، میزان موراجەعەی مانگی 10 و داهاتی نانەوتی 120 ملیار، ئێستا سەرجەمیان جێبەجێ کراون، ماوەتەوە سەر ئەوەی ڕێککارەکانی ناردنی پارەکە لە بەغدا دەستپێبکات.

نووسراوی فەرمی ناردنی پارەکە لەلایەن وەزارەتی دارایی کوردستان