لە سووریا دەست بەسەر چەند مووشەکێکی دژەفڕۆکە دەگیرێت

ئاڤا نیوز

ئەمڕۆ دووشەممە، وەزارەتی ناوخۆی سووریا ڕایگەیاند، هەوڵێکی قاچاخبردنی مووشەکی دژەفڕۆکەیان لە شاری بووکەمال لە دەوروبەری پارێزگای دێرەزوور پووچەڵ کردووەتەوە.

ڕاگەیێنراوی فەرمی: وەزارەتی ناوخۆی سووریا ڕایگەیاند: زانیاریی ورد بە بەڕێوەبەرایەتیی ئاسایشی بووکەمال گەیشتووە سەبارەت بە هەبوونی چەند مووشەکێکی دژەفڕۆکە لەناو ماڵێکدا حەشاردراون، ئەمەش وەک ئامادەکارییەک بۆ بەقاچاخبردنیان بۆ دەرەوەی وڵات، دواتر ئۆپەراسیۆنێک جێبەجێکراو و لە ئەنجامدا دەست بەسەر چەند مووشەکێکی "سام-7"ـدا گیرا.

لەلایەکی دیکەوە: بەرپرسێکی ئەمریکی ئاشکرای کردووە، ئێران "هەموو ڕێگەیەکی گونجاو" بەکاردەهێنێت بۆ گواستنەوەی چەک بۆ گرووپە چەکدارەکانی لە عێراق و سووریا.

ئەمەش بزانە: لە دوای ڕووخانی ڕژێمی بەشار ئەسەد لە کۆتاییەکانی ساڵی 2024، حکومەتی نوێی سووریا هەوڵی کۆنترۆڵکردنی دۆخی ئەمنی و ڕێگریکردن لە قاچاخچێتی چەک دەکات.