وەزارەتی دارایی نووسراوێکی نوێ لەبارەی پلەبەرزکردنەوەی فەرمانبەران دەردەکات

ئاڤا نیوز

وەزارەتی دارایی و ئابووریی هەرێمی کوردستان، لەبارەی پلەبەرزکردنەوەی فەرمانبەرانی شارستانی و سەربازی نووسراوێکی نوێی ئاراستەی سەرجەم دامودەزگاکان کرد.

چیرۆکی سەرەکی: ڕۆژی دووشەممە، وەزارەتی دارایی و ئابووری هەرێمی کوردستان نووسراوێکی فەرمی ئاراستەی گشت وەزارەتەکان و لایەنەکانی نەبەستراو بە وەزارەت کرد، بەمەبەستی ئامادەکردنی لیستی نوێ مووچە بە پلە بەرزکردنەوەوە. 

نووسراوی فەرمی: نووسراوەکە کە واژووی ئاوات شێخ جەناب، وەزیری دارایی و ئابووریی لەسەرە، جەخت لە دابینکردنی ماف و شایستە داراییەکانی فەرمانبەران دەکاتەوە، لەوانە پلەبەرزکردنەوەی ڕاژەی سەربازی و شارستانی لە دامودەزگاکانی هەرێمی کوردستان.

ناوەڕۆکی بڕیارەکە: بەپێی نووسراوەکە، ئەم هەنگاوە بۆ ئەوەیە شایستەی دارایی پلەبەرزکردنەوەی فەرمانبەران لە پڕۆژەیاسای بودجەی گشتیی حکومەتی عێراقی فیدراڵ بۆ ساڵی 2026 جێگیر بکرێت.

- وەزارەتی دارایی دەیەوێت لە ڕێگەی ئەم نووسراوەوە ئامادەکارییەکان تەواو بکات بۆ ئەوەی لەگەڵ حکومەتی فیدراڵدا بگەنە ڕێککەوتن و بودجەی پێویست بۆ پلەبەرزکردنەوەی فەرمانبەرانی هەرێمی کوردستان لە بودجەی ساڵی داهاتووی عێراقدا دابین بکرێت.




نوێ دەکرێتەوە..