خەڵک بە لێشاو ڕوویان لە سەیرانگەکانی هەرێمی کوردستان کردووە

 

ئاڤا نیوز

 

لە یەکەم هەینی، دوای مانگی ڕەمەزان لە وەرزی بەهاردا، هاونیشتمانیان بە گڕوتینی نەورۆز، بە لێشاو ڕوو لە سەیرانگەکان دەکەن.

 

وێنە گەورەکە: لە شار و شارۆچکەکانی هەرێمی کوردستان سەیرانگەکان جمەیان دێت لە خەڵک، خەڵکێکی زۆر ڕووی لە سەیرانگەکان کردووە، ئەم جەژنە بۆ هاووڵاتییان بووەتە سێ جەژن، جەژنی نەورۆز کەوتە ڕەمەزانەوە، ئێستا هاووڵاتییان سێ جەژن دەکەن نەورۆز و جەژنی ڕەمەزان و بەهۆی پێدانی دوو مووچەش لە لایەن حکومەتی هەرێمی کوردستانەوە وەک خۆیان دەڵێن "جەژنی گیرفان پڕییە".

 

لە سلێمانی هەزاران گەشتیار ڕووی لە دووکان کردووە و گەشت و سەیران دەکەن

 

 

لە هەڵەبجە خەڵکێکی زۆر ڕوویانکردووەتە سەیرانگەی گوڵپ و پەیامنێری ئاڤا شیرینیی دەبەخشێتە سەیرانکاران

 

 

 

لە سەیرانگەی کورتکێ لە دهۆک هاونیشتمانیان بە شایی و هەڵپەڕکێ دڵخۆشی خۆیان دەردەبڕن

 

 

 

  ڕۆکان مەحموود، پەیامنێری ئاڤا لە سەیرانگەی قەرەهەنجیری کەرکووکە: خەڵکێکی زۆر ڕوو دەکاتە سەیرانگەکانی شارەکانی دیکەی هەرێمی کوردستان..